தமிழக அரசு சார்பில் மகளிருக்கு மாதம் ஆயிரம் ரூபாய் வழங்கும் திட்டம் செயல்பட்டு வருகிறது. ஒவ்வொரு மாதமும் 15ஆம் தேதி பயனாளியின் வங்கி கணக்கில் மகளிர் உரிமை தொகை வரவு வைக்கப்படுகிறது. இதுவரை 25 தவணைகள் வரவு வைக்கப்பட்டுள்ளது.
இந்தத் திட்டத்தில் இதுவரை விண்ணப்பிக்காதவர்கள் மற்றும் பெயர் விடுபட்டவர்கள் உங்களுடன் ஸ்டாலின் முகாம்களில் 28 லட்சம் பயனாளர்கள் விண்ணப்பித்துள்ளனர்.
மகளிர் உரிமைத்தொகை விதிகளில் தளர்வு:
வருமான வரி செலுத்தும் குடும்பத்தினரை தவிர்த்து மற்ற பெண்களுக்கு மகளிர் உரிமைத் தொகை வழங்க தமிழக நிதித்துறை ஒப்புதல் அளித்துள்ளது.
மேலும் நியாய விலை கடை வாரியாக மகளிர் உரிமைத் தொகைக்கான விண்ணப்பங்களை ஆய்வு செய்ய களப்பணியாளர்கள் நியமிக்கப்பட்டு உள்ளனர்.
புதிதாக விண்ணப்பித்தவர்களுக்கு எப்போது மகளிர் உரிமை தொகை வழங்கப்படும்:
புதிதாக விண்ணப்பித்த தகுதியான மகளிருக்கு வரும் டிசம்பர் 15 முதல் கலைஞர் மகளிர் உரிமைத்தொகை வழங்கப்படும்.
கலைஞர் மகளிர் உரிமைத்தொகை பெற இறுதி வாய்ப்பு:
உங்களுடன் ஸ்டாலின் முகாம்களில் மகளிர் உரிமைத் தொகைக்கு விண்ணப்பிக்க இயலாத நபர்கள் மட்டும் மாவட்ட கலெக்டர் அலுவலகங்களில் நடைபெறும் குறைதீர்வு கூட்டங்களில் விண்ணப்பங்களை வழங்கலாம் என அறிவுறுத்தப்பட்டுள்ளது. மேலும் நவம்பர் 14 ஆம் தேதி வரை மட்டுமே ஆவகாசமும் கொடுக்கப்பட்டுள்ளது.
